himutok ng isang pinoy sa halalan, pamahalaan at iba pa..part 2

sino sa inyo ang bumoto?

kung oo ang sagot mo..baka makarelate ka dito..

mayo adiyes..pambansang eleksyon sa pilipinas..excited ang lahat..este ako lang siguro kasi first time na makararanas ang mga pinoy ng automated elections..sosyal..biruin mo..akala ko e hindi ito matutuloy pero ito na at nabigyan tayo ng pagkakataong patunayan na kaya nating sumabay sa kaunlaran ng mundo..

alas otso na..minabuti ko kasi kumain muna bago magtungo sa paaralang pagdarausan ng botohan sa aming barangay..nagshorts na lang ako at masingkad ang sikat ng araw..mabanas..kundangan na nga laang..gusto ko subukin ang automated na iyan..at makita sa personal ang pcos machine..

naalala ko pa noon..madalas akong third member kasama ng mmga ulirang guro pag eleksyon..raket kung raket..kahit mangalay ang binti ko pag bilangan na at sabay na sisigaw ng "diagonal" para malaman kung tugma kami ng vice chair sa tarahan.. tres mil din yun..libre lunch at meryenda pa..san ka pa..

e ngayon kaya..paano ang siste..

lakad..lakad..lakad..malayo pa sa gate ng iskul e dudumugin ka na ng kung sinu-sino at ibibigay sayo ang mga tarheta ng mga kandidato nila..hindi ko na nga pinapansin e at pampakalat laang..pero kasama pala dito sina mare at pare kaya tinanggap ko na din at kahiyaan na..pamaypay din..naisip ko lang na sana tubig o meryenda na laang ang pinamigay nila kasi kakailanganin pala ito sa mga susunod na kabanata..

dating sa iskul..aw..andaming tao..nakapila..teka nasan pala ang presinto ko..sa kabutihang palad e dinala ako ng mga paa ko sa tamang daan at humantong sa tamang pintuan..kuhanin ko muna daw ang number ko sa presinto at kumuha ng stub kay ka kulas..mabilis ko namang nakita ang pangalan ko sa listahan..at ito na ang simula ng kalbaryo..

nakita ko pa ang inay na siguro pang labinglima na sa pila..siyempre tumabi ako ng kaunti..aba at ang pagkakasabi "oy, dun ka sa likod at nakakahiya"..hindi naman ako sisingit..ang inay talaga..pero naisip ko..kanina pa alas siyete yun umalis ng bahay a..aw..anung petsa kaya ako makakatapos nito..hayun ang dulo ng pila..&^$%#(*&%$..pang siyamnapu pa ata ako a..

kailangan ga talaga nating danasin itong mga paghihirap na ito upang magampanan ang ating tungkulin sa bayan at mangyaring karapatan na rin natin bilang pantay-pantay na mamamayan tuwing halalan..akala ko pa naman e mapapadali na ng automated election ang botohan..maslalo atang nagkagulo..at marami sa nakikita ko e nawalan na ng gana bumoto nung makita ang mahabang pila at isama mu pa ang init ng panahon..hindi mu rin sila masisisi..sayang daw ang oras..yung isa e maglalaba pa daw..yung isa naman e magtitinda sa palengke..yung isa e kailangan na din mag-time-in sa opisina..buti na lamang at alas dos pa ang duty ko..pero sabi ko e pag als onse na e uuwi na din ako at sa diliman pa kaya ako duduty..

alas nuwebe..pawisan na naman...lintsak..mag-isa pa ko dito..wala man laang makapulong..ang pila e usod pagong..datingan pa ng datingan ang mga senior citizen..siyempre sila e priority sa pila..wala akong problema sa policy na yun pero sana sa susunod e ihiwalay n lamang sila ng presinta dahil sa tingin ko e masbumabagal ang proseso..kawawa naman ang ibang nagmamadali..sige po lola..kayo po muna..pero yung dun sa mga sumisingit..mahiya naman sana..kapal talaga ng apog ng ibang tao..relax..breathe..calm down..tubig nga..talaga..kung sino mang kandidato ang nagbigay sa'kin ng tubig sa oras na iyon e siguradong single vote ako sa kanya..pero wala e..tiis tiis muna..

alas diyes..nakikita ko na ang pintuan ng presinto..parang pintuan ng langit na nagliliwanag..sige po lola, kayo po muna..

alas diyes y medya..kahit me buntis jan e hindi na ako aalis dito sa me pintuan..ako na ang sunod..at pinapasok na nga ako..binigay na sa'kin ni chairman ang mahiwagang balota..at pinaupo ako sa upuang pang-elementary..ito pa ata yung desk na inupuan namin nung dito pa ko pumasok..labinlimang taon na ata ang nakakaraan..

pag-upo pa lang e dumali na ko ng pagbibilog..mahirap din pala magbilog..maliit lang yung bilog na hugis itlog tapus pentel pen pa ang gamit..napansin ko rin na nagbblot o namarka sa ilalim kung napainam ang shade mu sa isang bilog..ito siguro ang dahilan kung bakit invalid ang ibang balota..dapat cguro sa susunod e masmakapal ang papel o ibang pansulat ang gamitin..wala pa ata tatlo minuto e tapos na ako..rush e..

this is the moment..ipapasok na ang balota sa pcos..medyo kabadista nga ako at yung sinundan ko e iniluluwa yung kanyang balota..umayos naman nung patatlong try na..ito na talaga..bahagyang isinubo sa machine ang papel..pasok..hintay ng konting segundo..dug dug..dug dug..congratulations!..yehey..success..at nakita ko na si chairman na nakangisi din..oki na daw..tapos na ako..thumbmark..thumbmark..pirma pala..indelible ink..tapos..sarap ng feeling..pag pinagpaguran mo talga ang isang bagay e masmalaki ang balik sa iyong pakiramdam ng kaligayahan..

at sa paglabas ko e mapapansin kong maslalong humaba pa ang pila..gud lak..papunta pa lang kayo..pabalik na ako..haha..yabangan na..

nagmamadali na nga ako umuwi para umabot sa duty ko..

wishlist:

naisip ko lang..sana next time po e masmadami na ang mga presinto at hindi pinagsama-sama sa isang cluster ang apat hangang limang presinto..sana po e me libreng tubig sa mga presinto..sana po e pedeng sa internet na lang po bumoto (suggestion lang po)..sana po e ilimita na ang mga kandidato para hindi masyado marami ang pagpipilian..sana po e masmarami ang chair sa bawat presinto para masmabilis ang proseso kasi merong nagtatagal bumoto..sana po e pagbawalan na lang ang mga namimigay ng mga tarheta sa daan (basura lang po kasi ang lahat matapos ang lahat, sayang naman)..sana sa sunod na halalan e mapagtanto ng lahat ang mga naging kakulangan upang itio ay matugunan..at sana maaga pa lang e maghanda na ang comelec para hindi sila nagkukumahog sa schedule..

himutok ng isang pinoy sa halalan, pamahalaan at iba pa..

hindi pa naputok ang haring araw..bigla na lamang narinig ang isang ingay sa labas..malakas..nakakarindi..naku..nambulahaw na naman ang jingle ng kapitbahay kong konsehal..automatic yan..naghanay na ang mga naka-kulay berdeng vest..naghahanda sa kampanya..eleksyon eh..

labas ng bahay..nakakadismaya..binungkal na naman ang maayos naming kanal at gagawin na naman..sumali pa ang mwss at binungkal na rin ang gitnang daan..me nasirang tubo ata..at pag minamalas naman talaga ang kalye matiyaga ng quezon city..wari mo e binalatan ang daan kaya eto..bago makarating ng bahay e gapulgada na ang kapal ng putik sa sapatos sa konting ulan..eleksyon eh..

lalakarin ang kahabaan ng bir road..naku..wari mo e piyestang bayan sa dami ng nagsabit na kung anu-ano sa mga puno at poste..mga banderitas ng mga kandidatong "nais maglingkod sa bayan"..nagkapit ang mga posters ng mga nais mahalal upang "baguhin ang bugtot na pamahalaan at simulan ang kaunlaran"..nakakatuwa naman at marami palang taong may makabayang intensyon upang paunlarin ang ating bayan..pero mukhang lahat ay panaginip lang..at kapag nagising ako ay gugustuhin mu na lang na nagpuyat ka na lang imbes na napaasa pa ng mga mabubulaklak na pangako na makaraan ng halalan ay waring dumaan lang sa hangin..

hindi ko naman sila nilalahat..meron namang maayos na mga namumuno sa bayan..ngunit bakit dumadating sa punto na minsan e pinagsisihan ang ginawang pagboto sa kandidatong pinaglaanan..mahirap rin para sa ating mga mamamayan pumili kung sino ang nararapat..hindi naman porke berde ang paboritong kulay e iboboto ko na si gibo..huwag naman sana ganoon kababaw..hindi naman porke nabigyan tayo ng pamasahe pauwi e iboboto na natin si mayor..nakakahiya..ngunit minsan may taong ipinagmamalaki pa ang ganitong kahantungan..

teka lang..may namimigay ng rosas..kakaiba talaga..parang nanliligaw a..lahat na ata ng gimik e naisip na nila..nariyan ang tradisyunal na pamimigay ng pagkain..pagsasapit ng mga medical missions..libreng konsiyerto..libreng pamaypay..libreng kalendaryo..libreng kiss..libreng pasine..libre nga kaya lahat ng mga ito..sabi nila..ang singilan nito ay pagkatapos ng halalan..bawi naman daw ang lahat..tubo pa..

tuloy ang lakad..tatahakin ang landas na maputik..iwas sa baha..ilang halalan na rin ang dumaan..maari kaya nating sabihin na ginawa natin ang nararapat..naihalal kaya natin ang tunay na may malasakit..ang tunay na may kakayahan..paano nga naman kung wala naman mapapagpilian..parepareho lang na gahaman sa kapangyarihan at ninanais lamang lustayin ang kaban ng bayan sa pansariling interes lamang..tuloy ang lakad..baka mahuli sa trabaho..mahal na rin kasi ang pamasahe..maglakad na lang..ehersisyo na rin..makikita ang kalagayan ng madadaanang kabahayan..marami pa rin iskwaters..marami pa rin ang tambay..marami pa rin ang namamalimos..nasan ang pinangakong pabahay..nasan ang pinangakong trabaho..nasan ang pinangakong kalinga..

bigla bubusina ang isang fortuner sa kalye..red plate..tabi tayo..walang patawad yan..sila pa nga galit..pwede naman siguro sumunod sa batas trapiko..hayun pinalamapas na ng pulis trapiko..hahayaan na lamang gang ganun lagi..

liliban muna sa kalye..malapit na sa patutunguhan..naisip ko din naman..bakit ga lagi na lang nating tinutuligsa ang pamahalaan..baka naman hindi talaga sila ang may gawa nitong ating masamang tinatamasa..kasama tayo sa sistemang maaring nagpapaurong sa ating kaunlaran..nariyan ang katamaran..puro asa na lamang..korapsyon hindi ba ga tayo rin ang nagsisimula nito..hinahayaan nating mangyari ito..na tayo mismo minsan e walang patumanggang makibahagi rito..

tunay ngang mahalaga ang darating na halalan..sana naman e hindi masayang ang binigay asa atin na karapatan..isa rin itong tungkulin upang maging bahagi ng pagbabagong inaasam..pagod na ako..pawisan na..pagsainit naman dito sa pilipinas..el niño daw..pero ang totoo e dahil na rin ito sa pagtampalasan natin sa ating inang kalikasan..polusyon..walang habas na pagputol sa ating mga puno..

ala..magaling pa e makapagpahinga na..este trabaho muna pala..mahirap na masisante..sa sampung job fair na puntahan mu e sa call center ka lang mapupunta..tsk tsk..bakit kaya ipinagmamalaki ng gobyerno na gawing call center spot ang pilipinas samantalang alam naman natin na ito ang isa sa pinakastreesful na trabaho..puyat ka na nga e pinuputakte ka pa ng mura ng kliyente at pag minamalas ka e bigla mu na lang malalaman na sa isang linggo e may tanggalan na ulit..bakit naman parang pinapatay na tayo ng mga nakaisip nito.."how morbid?!"

prrrrttttt..awat na..ayoko namang maging nobela ang akdang ito..siguro e sa part 2 na lang ang iba..sana lang e me napulot ang nagtangkang bumasa nito..maliwanagan ng konti..malaman na hindi siya ang nag-iisang reklamador sa mundo..